"Newwel, Wind unn Eis"
von Rudolf Heilgers

(Originaltext in Wormser Mundart)

In Worms, do kennt doch jeder
Die brave Fischerwääder,
Es gibt kää feiner Sort,
Zu viel is do jed’ Wort,
Sie lewe still unn friedlich
Unn sinn aach urgemietlich,
Wann ääner nowel sich erweist
Unn halwe Määßcher schmeißt!

Unn wann annre Feierowend mache,
Steiht der Fischerwääder in sein Nache,
Rudert nachts bis Roxem an die Schleiß’
- Des hääßt noor, wann gut Wetter is -
Kää Newwel, Wind unn Eis!

Beim Fische uff’m Altrhei’
Derf’s newwlig net unn kalt sei’,
Unn aach bei starkem Wind
Kää Fischer ihr dort find’t!
Dann flicke se die Netze
Unn sinn beim Schoppepetze;
Warum auch net, die Fischersleit,
die liewe Feichtigkeit!

Wann se kreische, schenne unn krakeele,
Können do die Kneipe was verzähle,
Unn beim Kaate kumme se in Schweiß!
- M’r glaabt net dass es meeglich wär’, -
Bei Newwel, Wind unn Eis!

Beim Trinke unn beim Spiele
Sie sich am wohlschte fiehle
Unn raache do debei
Zigarre Sticker drei.
Die Fraa wird ‚rei’ gewunke,
Maß aach ihr Schnutche dunke
Unn muß mit jedem trinke’ mol
Uff’s allgemääne Wohl!

Dann dut ääner sich bewoge fiehle,
Uff de Ziehharmonika zu spiele!
Unn er spielt des Lied vum „Edelweiß“!
So lebt m’r uff de Fischerwääd
Bei Newwel Wind unn Eis

M’r brauch sich net zu schäme,
E’ Beispiel dra’ zu nehme,
‚s is zwar net a’genehm,
Kummt m’r im „Newwel“ hääm!
Die Fraa, die dut dann plärre
Unn kann aach „windig“ werre,
In selt’ne Fäll, unn ausnahmsweis,
Do bleibt se kalt wie Eis!

Unn dann schluppt der brave Fischerwääder
Aus de Wasserstiwwel, aus de Klääder,
Aus de Socke, barfuß unn ganz leis,
So steiht’r in sein „Kahn“ enei’
Bei Newwel, Wind unn Eis!

Der Herrgott muß ein Wormser sein

Text + Melodie: Manfred Bilzer

Die Nibelungen - hab´n oft gesungen
in Worms am Rhein - in Worms beim Wein.
Das gilt auch heute - für Land und Leute;
wer hier zu Gast - hat gleich erfaßt:

Refrain:
Das macht der
kling-klang, kling-klang, kling-klang goldene Wein,
der Hergott muß - ein Wormser sein!
Er schuf die Sonne und den Wonnegauer Wein.
Der Herrgott muß - ein Wormser sein!

Die Römer waren - vor vielen Jahren
in Worms am Rhein - in Worms beim Wein.
Dann kamen Franken, die fröhlich tranken.
Sie sagten sich - wie Du und ich:

Refrain:
Das macht der ...

Heut´ sind wir fröhlich - heut´sind wir selig,
in Worms am Rhein - in Worms beim Wein.
Sa´ ja zum Leben - im Land der Reben.
Im Handumdrehen - wirst Du verstehen:

Refrain:
Das macht der ...

Wormser Backfischfest-Marsch

Komponist: Paul L. Schütt
Text: Paul L. Schütt + Rolf Bindseil


Früher schun als klänner Buu hott´s mich hiegezoh
uff die Kisselswiss am Rhoi, ei, was war ich froh!
Alsfort mit de Reitschul fahrn, ´s gibt kää greeßer Frääd,
heit noch sin vesesse druff Buwe unn aach Määd.
Am Backfischfescht, am Backfischfescht, do halde mer hier fescht!

Refrain:
In Worms am Rhoi, do fiehle mer uns wohl.
Des Backfischfescht is unser Monopol!
do werd e ganzi Woch gefeiert unn noch mehr,
unn unser Gläser, die wern nimmer leer,
unn unser Gläser, die wern nimmer leer!

Späder dann als strammer Hecht, so mit 17 Johr,
war for mich es Backfischfescht noch genau so klor.
Heit werd´s in de Woikoschthall späder noch wie späd,
unn erscht recht an dere Kerb uff de Fischerwääd.
Am Backfischfescht, am Backfischfescht, do halde mer hier fescht!

Refrain: In Worms am Rhoi, do ...

Kummt mer in die Johre aach, bleibt mer trotzdem jung,
so e Backfischfescht, ihr Leit´, gibt ääm widder Schwung.
Als Devise gibt´s nor ääns: Schunkeln unn gelacht,
unn en Woi, ab geht die Poscht - bis nooch Mitternacht.
Am Backfischfescht, am Backfischfescht, do halde mer hier fescht!

Refrain: In Worms am Rhoi, do ...

Kenntscht du die Stadt am Vatter Rhei’,

Umwogt vun Korn, umblüht vun Rewe

Mit dem berühmte Wonnewei’,

Erfüllt vun fröhlichdeitschem Lewe ?

Die muschte seh’, sie isses wert,

Es gibt nix schönres uff de Erd’. –

Rutscht je dei Herz dir in die Schuh

Un’s bleibt sei’ Kloppwerk manchmol stecke,

’Kää Angscht ! Kum nor noch Worms ! Im nu

sitzt’s widder an sei’m richti’ge Flecke !

So Wunner dhu’n in Worms gescheh’,

Wer’s net glaabt, kann jo selwer seh’!

Worms a/Rh. 1900. Wilhelm Graf.